عن ايفندار، دار الفعاليات وصناعة العلاقات

ايفندار موقع بيجمع أهم فعاليات التقنية والقيادة وريادة الأعمال في العالم العربي في مكان واحد، أونلاين وحضوري. كل فعالية عليه يا فريق ايفندار اختارها، يا منظمها بعتها واتراجعت قبل ما تتنشر.

كام مرة عرفت بإيفنت مهم… بعد ما خلص؟

الفرص مش ناقصة. هي متفرقة: بوست في جروب، رسالة اتدفنت، إيميل محدش فتحه.

من هنا بدأت ايفندار: رسالة واحدة بتجمّع أهم الفعاليات في مكان واحد.

الحكاية لحد النهارده

من أكتر من 3 سنين
رسالة واحدة
أهم فعاليات الأسبوع في رسالة واحدة.
مايو 2026
نشرة بالإيميل
نفس الرسالة، بتوصل لصندوق البريد.
يونيو 2026
قناة واتساب
أكتر من 1,300 متابع في October 18, 2026، وعدّت الألف في أول تلات شهور.
أكتوبر 2026
الموقع ده
دوّر وفلتر واحفظ وضيف للتقويم وشارك، في مكان واحد.

والخطوة الجاية دار كاملة: حضور ومنظمين ومتحدثين ومجتمعات وشركاء.

الرقم مش مجرد عدد. ده دليل إن فيه ناس فعلًا محتاجة مكان يقولها إيه اللي بيحصل وفين الفرص.

ليه ايفندار

أغلب منصات الفعاليات اللي بنستخدمها كل يوم معمولة بالإنجليزي، حتى لما الفعالية تكون في القاهرة. ايفندار اتعملت بالعربي من أول يوم: الواجهة، والمواعيد، والأرقام، والبحث اللي بيفهم الهمزة والتاء المربوطة.

إيفنت واحد صح ممكن يغيّر مسارك.

لعلها تكون صدقة علم جارية.

اللي ورا ايفندار

المؤسس
محمد بن رمضان
مهندس برمجيات فري لانس، بيبني تطبيقات ويب سريعة وواجهات متحركة. جاي من خلفية في التسويق، فبيبني الحاجة عشان تخدم هدف الشغل مش عشان الكود بس. أسس ايفندار وبيديرها لوحده.
داعم ايفندار من أول يوم
م. رامي أحمد
آمن بالفكرة من أول يوم، ودعمها من خلال مرتكز. هو اللي أصرّ إن الرسالة تبقى نشرة بالإيميل، وبعدين قناة واتساب، وبعدين الموقع ده، ودعم اختيار الاسم. ومن غير دعمه مكانتش الحكاية هتكمل.
ادعم ايفندار على مرتكز

تقنيات عربية في أساس ايفندار

ايفندار مبني بأدوات عربية على قد ما نقدر. دي الأدوات العربية الشغالة فيه فعلًا، وكل أداة عربية جديدة بنستخدمها بتتضاف هنا.

مرتكز
منصة المشاريع التقنية العربية
منه بنلاقي الأدوات العربية اللي بنستخدمها، وملتقياته بتتنشر على ايفندار، وعن طريقه بيوصل دعم ايفندار.
معانا من October 2026
زور الموقع
خط ثمانية
من ثمانية
الموقع والإيميلات كلهم مكتوبين بيه: ثمانية للواجهة، وثمانية للعناوين، وثمانية للنصوص الطويلة.
معانا من October 2026
زور الموقع